NIRI BURUZ
Aratz Oñederra
Eskaladan espezializatutako prestatzaile fisikoa.
Jarduera Fisikoaren eta Kirolaren Zientzietan (IVEF) graduatua naiz eta Gorputz Hezkuntzako irakaslea. Horrez gain, Gizarte Animazioko eta Kirol Irakaskuntzako goi-mailako teknikaria (TAFAD) ikasketak burutu ditut.
Urteetan zehar jasotako prestakuntza nire pasioarekin uztartu dut: mendia eta eskalada. Eskaladak niretzat kirolaz harago doan balioa du; mugimendua, osasuna, ezagutza eta norberaren erronkak uztartzen dituen jarduera da. Horregatik, nire esperientzia eta ezagutza eskaladan modu kontzienteagoan, seguruagoan eta eraginkorragoan aritu nahi duten pertsonekin partekatzea da nire helburua.
Azken urteetan eskaladako errendimenduaren eta kirol-zientzien inguruko hainbat prestakuntza osatu ditut, besteak beste:
- Indar muskularraren entrenamenduaren programazioa eskola-testuinguruetan, Valladolideko Unibertsitatearen eskutik.
- Eskalatzaileren profil fisikoan oinarritutako entrenamendu-tresnak, Pedro Bergua doktorearekin.
- Eskaladako profil fisiologikoaren balorazio eta ebaluazio aurreratua, Pedro Bergua doktorearekin.
- Eskaladako lesioak eta errehabilitazio-metodoak, Nuria Carnicero eta Eva Lopez doktoreekin.
- Odol-fluxuaren murrizketarekin (BFR) egindako eskaladako entrenamenduak, Sergio Consuegraren eskutik.
Prestakuntza hori urteetako esperientzia eta eskalatzaileekin aurrez aurre egindako lana gehituta, pertsona bakoitzaren beharretara egokitzen den entrenatzeko modu bat garatzen joan naiz.
Nire proposamena argia da: entrenamendu pertsonalizatua, osasuntsua eta jasangarria, zure helburuak ez ezik, zure gorputza, zure esperientzia eta zure eguneroko errealitatea ere kontuan hartzen dituena.
Hainbat arrazoi dauzkagu elkar ezagutzeko
Nire urratsak
Formakuntza
Egindako formazioei esker eskalatzaileon erronkei aurre egiteko jakintza garatu dut
Hastapena
Mundu honek sortzen didan jakin miñak, kalitatezko zerbitzu bat ematera bideratzen nau
Talde lana
Sor dezagun helburu berdinetara enfokatutako talde bat, lortzen ditugun emaitzak ikusteko
Hobekuntza
Zure feedback-a behar dut diseinatutako plana zurekin bat datorren edo ez jakiteko
Helburu pertsonalak
Pertsona orok duen helburu pertsonalak eskuratzen ahalegintzen da, lesio arriskuak gutxitu eta eskalada osasuntsu zein ekologikoa sustatuta.