NIRI BURUZ
Aratz Oñederra
Eskaladan espezializatutako prestatzaile fisikoa.
Jarduera Fisikoaren eta Kirolaren Zientzietan (IVEF) graduatua naiz eta Gorputz Hezkuntzako irakaslea. Horrez gain, Gizarte Animazioko eta Kirol Irakaskuntzako goi-mailako teknikari (TAFAD) ikasketak eta hainbat formakuntza burutu ditut.
Urteetan zehar jasotako prestakuntza nire pasioarekin uztartu dut: mendia eta eskalada. Eskaladak niretzat kirolaz harago doan balioa du; mugimendua, osasuna, ezagutza eta norberaren erronkak uztartzen dituen jarduera da. Horregatik, nire esperientzia eta ezagutza eskaladan modu kontzienteagoan, seguruagoan eta eraginkorragoan aritu nahi duten pertsonekin partekatzea da nire helburua.
Azken urteetan eskaladako errendimenduaren eta kirol-zientzien inguruko hainbat prestakuntza osatu ditut, besteak beste:
- Indar muskularraren entrenamenduaren programazioa eskola-testuinguruetan, Valladolideko Unibertsitatearen eskutik.
- Eskalatzaileren profil fisikoan oinarritutako entrenamendu-tresnak, Pedro Bergua doktorearekin.
- Eskaladako profil fisiologikoaren balorazio eta ebaluazio aurreratua, Pedro Bergua doktorearekin.
- Eskaladako lesioak eta errehabilitazio-metodoak, Nuria Carnicero eta Eva Lopez doktoreekin.
- Eskaladan oinarrituriko entrenamenduaren plangintza, Sergio Consuegraren eskutik.
- Odol-fluxuaren murrizketarekin (BFR) egindako eskaladako entrenamenduak, Sergio Consuegraren eskutik.
Prestakuntza hori urteetako esperientzia eta eskalatzaileekin aurrez aurre egindako lana gehituta, pertsona bakoitzaren beharretara egokitzen den entrenatzeko modu bat garatzen joan naiz, betiere ebidentzia zientifikoan oinarrituz.
Nire proposamena argia da: entrenamendu pertsonalizatua, osasuntsua eta jasangarria, zure helburuak ez ezik, zure gorputza, zure esperientzia eta zure eguneroko errealitatea ere kontuan hartzen dituena.
AO Eskalada Osasuntsuaren sorrera
15 urte nituela hasi nintzen eskalatzen eta ordutik eskalada nire bizitzako parte garrantzitsu bat izan da. Hain zuzen ere, 2018an hasi nintzen eskaladako entrenamenduaren munduan murgiltzen eta bost urte geroago, eskalatzaileei beren helburuak modu osasuntsu eta planifikatuan lortzen laguntzeko asmoz, 2023an AO Eskalada Osasuntsua sortu zen.
Hainbat arrazoi dauzkagu elkar ezagutzeko
Zergatik lan egin elkarrekin?
Formakuntza
Jasotako formazioari esker, norberaren erronkei ekiteko eta beharretara egokitutako entrenamenduak diseinatzeko ezagutza garatu dut.
Kalitatea
Jakin-minak etengabe ikertzera, ikastera eta lana hobetzen jarraitzera bultzatzen nau, kalitatezko eta ebidentzia zientifikoan oinarritutako zerbitzua eskaintzeko.
Talde lana
Elkarlana eta komunikazioa oinarri izanda, zure beharretara egokitutako entrenamendu-prozesua eraikiko dugu, elkarrekin aurrera egiteko.
Ikaskuntza
Entrenatzea prozesu bat dela ulertuz bezala, ulermena ere prozesu bezala ulertu behar da. Horregatik, ulertze prozesuari garrantzia ematen zaio, egiten dena zergatik egiten den ulertzeko.
Helburu pertsonalak
Pertsona orok duen helburu pertsonalak eskuratzen ahalegintzen da, lesio arriskuak gutxitu eta eskalada osasuntsu zein jasangarria sustatuta.